ტრენინგები დეკემბერი 2011

18 dekemberi    12:00 -18:00 ტრენინგი მათემატიკის მასწავლებლებისთვის: ტექნოლოგიების გამოყენება მათემატიკის გაკვეთილზე

აუდიტორია: # 11

28 dekemberi    14:00 – 17:00 მასტერ კლასი მათემატიკის მასწავლებელებისთვის: მათემატიკის სხვადასხვა მიმართულებების ინტეგრაცია

აუდიტორია: # 41

29 dekemberi   12:00-15:00 ტრენინგი მათემატიკის მასწავლებლებისთვის: ტექნოლოგიების გამოყენება მათემატიკის გაკვეთილზე.

აუდიტორია: # 11

14:00 – 17:00 მასტერ კლასი: პორტფოლიო, როგორც მასწავლებლის შეფასების და თვითშეფასების ინსტრუმენტი

აუდიტორია: # 33

ანგარიში

მასტერ კლასი მათემატიკის მასწავლებელებისთვის:

მათემატიკის სხვადასხვა მიმართულებების ინტეგრაცია

            ჩატარდა მასწავლებელთა პროფესიული განვითარების ცენტრის მიერ 2011 წლის 28 დეკემბერს  მასწავლებელთა სახლში.

            მასტერკლასის მიზანი იყო განეხილა ის თავისებურებები, რითიც ხასიათდება გაკვეთილის დაგეგმვა მათემატიკაში კონკრეტულ მაგალითზე, ეჩვენებინა მათემატიკის გაკვეთილზე ინფორმაციული ტექნოლოგიების გამოყენების ერთ-ერთი ხერხი.

            მასტერკლასს უძღვებოდა ბატონი ზაქარია გიუნაშვილი, მან განიხილა გაკვეთილის გეგმა.თემაზე „პარაბოლა“

            გაკვეთილის მიზანი: პარაბოლას სტანდარტული განმარტების დაკავშირება მის გეომეტრიულ განმარტებასთან.

            მოსწავლეებმა იციან ალგებრული განტოლება, რომლითაც კვადრატული ფუნქცია მოიცემა. მათ მიეცემათ სამოტივაციო ამოცანა:

ზღვის ნაპირიდან 10 კმ მანძილზე დგას გემი, ვთქვათ, ნაპირი წრფის მონაკვეთის ფორმისაა.ნავი თანაბრად არის დაშორებული გემიდან და ნაპირიდან და ეს მანძილები 5 კმ-ია. ნავი ცდილობს, რომ იმოძრაოს ისე, რომ თანაბრად იყოს დაშორებული როგორც ნგემიდან, ასევე ნაპირიდან, რა შესაძლო ტრაექტორიაზე შეიძლება იმპოძრაოს ნავმა ?

            დაფაზე ვავლებთ წრფის მონაკვეს რომელიც გამოსახავს პირობითად ნაპირს, ასევე იღებს  A წერტილს, რომელიც გამოსახავს ნავს.

            დავალება: მოსწავლეებმა მოძებნონ წერტილები, რომლებიც თანაბრად არიან დაშორებული როგორც  X ღერძიდან, ასევე A წერტილიდან.დავალების შესასრულებლად მოსწავლეებმა უნდა გაიხსენონ თუ რისი ტოლია მანძილი წერტილიდან წრფემდე. აქედან გამომდინარე, მათ უნდა ააგონ აბსცისათა ღერძის პერპენდიკულარული წრფე. რომ მოვძებნოთ ამ წრფეზე წერტილი, რომელიც თანაბრად არის დაშორებული A წერტილსა და    X ღერძისაგან, მოსწავლეებს გავახსენებთ ტოლფერდა სამკუთხედის თვისებას, რომლის გამოყენებითაც შესაძლებელია მითითებული წერტილების მოძებნა. წერტილების აგებისას მათ უნდა შეამჩნიონ , რომ ფიგურა, რომლის აგებასაც ცდილობენ, სიმეტრიულია Y ღერძის მიმართ. მოსწავლეებს ვთხოვთ აღწერონ მიღებული წირი . იგი სიმეტრიულია, გააჩნია წვერო, ზემოთ იშლება. შეიძლება დავასახელოთ წირის სახელწოდება - პარაბოლა.